<!-- وپ:پَرَگرَپہ -->
<!-- /وپ:پَرَگرَپہ -->
<!-- وپ:پَرَگرَپہ -->
باگانی کَپۆدَر سَبزێں
تُوتیزێمِر ءُ وَژلَبزێں
<!-- /وپ:پَرَگرَپہ -->
<!-- وپ:پَرَگرَپہ -->
اِہوالاں بِبَر وَشّێناں
اِے ھَتّاں کَلَمکَشّێناں
اِسراراں مُرادبَکشێناں
بَندِش بانزُلاں نَکشێناں
<!-- /وپ:پَرَگرَپہ -->
<!-- وپ:پَرَگرَپہ -->
گْوَش گۆں کَہرَبائیں ھَنگا
دابانی گُلێں مَہرَنگ ءَ
پَرچا نِشتَگ ءِ دِلتَنگ ءَ
ساز ئے چۆ گْوَشۆکێں چَنگ ءَ
<!-- /وپ:پَرَگرَپہ -->
<!-- وپ:پَرَگرَپہ -->
ھَروَہد داب کَنت نۆدی شَل
گَندیمگۆنَگێں گَرکی تَل
اِستین ءُ پَیاپێں تْرۆنگَل
<!-- /وپ:پَرَگرَپہ -->
<!-- وپ:پَرَگرَپہ -->
رَہم کَن شَپچِراگ سْرادانی
گَنج ءُ کیمَتی نْیادانی
کَولیگ آں تَئی پادانی
<!-- /وپ:پَرَگرَپہ -->
<!-- وپ:پَرَگرَپہ -->
آسیگُن مَکَن دُردانَگ
پَہکێں اَشرَپی ئے چانَگ
بالادِت کُتَگ دێوانَگ
<!-- /وپ:پَرَگرَپہ -->
<!-- وپ:پَرَگرَپہ -->
دۆشی شَپ بُزِرگ ءُ پاکێں
دُرّێں ھَتَّلی سیمساکێں
ماہ ءِ دَہچَہار بے باکێں
دْرَپشۆکێں سُہَیل جَبراکێں
<!-- /وپ:پَرَگرَپہ -->
<!-- وپ:پَرَگرَپہ -->
شَپ ماں آہِر ءَ لُنج بیت
پُرنُورێں سَہَر گَنج بیت
<!-- /وپ:پَرَگرَپہ -->
<!-- وپ:پَرَگرَپہ -->
اَرماں پہ وَتی چَمرۆک ءَ
نِشتَگ ھَمسَرانی تۆک ءَ
بُروان ئِے کَمَند اَنت نۆک ءَ
داگاں دَنت دِل ءِ بَندۆک ءَ
<!-- /وپ:پَرَگرَپہ -->
<!-- وپ:پَرَگرَپہ -->
گۆش کَن اُو جِنِکّ مَہدێمێں
لَسّاہێں بِہاں نۆکزێنێں
<!-- /وپ:پَرَگرَپہ -->
<!-- وپ:پَرَگرَپہ -->
دۆشی نِشتَگ ءِ بے سارا
سَر گۆں زَرنِبِشتێں شار ءَ
گَردِن گْرانبَہائیں ھار ءَ
بَکشاتَگ تَرا سَتّارا
<!-- /وپ:پَرَگرَپہ -->
<!-- وپ:پَرَگرَپہ -->
<!-- /وپ:پَرَگرَپہ -->
<!-- وپ:پَرَگرَپہ -->
<!-- /وپ:پَرَگرَپہ -->
Mollá Pázol