مَنی دَرد سَرشَپانی، مَنی ماہ دیدَگانی
تَرا رۆچ کَنات ساہێل، تَرا چُکّات ماہِکانی
تَرا رۆچ کَنات ساہێل، تَرا چُکّات ماہِکانی
دِل ءِ بانۆکێں جِنِکُّو، مَن ءَ دۆست باز بَئے تَو
پہ مَن مُود ءِ ٹالے گۆں کَن، وَتی مَہپَر ءِ نِشانی
پہ مَن مُود ءِ ٹالے گۆں کَن، وَتی مَہپَر ءِ نِشانی
مَکَن مَلَّگاں وَتیگاں، دِل ءِ بَند مَنی تَ اَرزاں
وَتی کَبگیێں رَواجاں، وَتی لُڈَّگاں کَجانی
وَتی کَبگیێں رَواجاں، وَتی لُڈَّگاں کَجانی
کَدی بارێں تَو بْیا ئے، کَدی بارێں مَن بِگِنداں
کَئی ھَتِرا بِگواراں وَتی اَرساں دیدَگانی!
کَئی ھَتِرا بِگواراں وَتی اَرساں دیدَگانی!
مَن ءَ رَندِ مَرگ ءَ شۆہاز، مَنی گۆر ءُ گارێں زِند ءَ
مَنی تْرانَگاں بِسینگار، گَم ءِ اَندَر ءَ جَلانی
مَنی تْرانَگاں بِسینگار، گَم ءِ اَندَر ءَ جَلانی
گُلامُسێں شۆہاز