<!-- وپ:پَرَگرَپہ -->
<!-- /وپ:پَرَگرَپہ -->
<!-- وپ:پَرَگرَپہ -->
پُلّێں بِچکَندے بْیارتێں
ٹَہلێں دیدارے بْیارتێں
<!-- /وپ:پَرَگرَپہ -->
<!-- وپ:پَرَگرَپہ -->
چَہ دَرانڈێہا تَو اَتک ئے
آجُوی جارے بْیارتێں
<!-- /وپ:پَرَگرَپہ -->
<!-- وپ:پَرَگرَپہ -->
بَیرَک ءُ پَجّاری تاکے
نۆکێں کَلدارے بْیارتێں
<!-- /وپ:پَرَگرَپہ -->
<!-- وپ:پَرَگرَپہ -->
مَہرَنگ ءُ سَبیہَہ ءُ سَمّی
پُلّێں دَزگُہارے بْیارتێں
<!-- /وپ:پَرَگرَپہ -->
<!-- وپ:پَرَگرَپہ -->
بَزَّگ ءُ وار ءُ گَریباں
راستێں دَردوارے بْیارتێں
<!-- /وپ:پَرَگرَپہ -->
<!-- وپ:پَرَگرَپہ -->
پہ گُلێں راج ءُ زِمین ءَ
رَہبَر ءُ یارے بْیارتێں
<!-- /وپ:پَرَگرَپہ -->
<!-- وپ:پَرَگرَپہ -->
شَکَّلێں ماتی زُبان ءَ
زانت ءُ شیوارے بْیارتێں
<!-- /وپ:پَرَگرَپہ -->
<!-- وپ:پَرَگرَپہ -->
پہ وَتی سالۆنکێں زِمین ءَ
زَرگِری ھارے بْیارتێں
<!-- /وپ:پَرَگرَپہ -->
<!-- وپ:پَرَگرَپہ -->
پُلگُدێں بانۆر ءَ ڈێہے
سَہت ءُ سینگارے بْیارتێں
<!-- /وپ:پَرَگرَپہ -->
<!-- وپ:پَرَگرَپہ -->
بَزَّگێں راجانی واست ءَ
تْرُندێں کُوکّارے بْیارتێں
<!-- /وپ:پَرَگرَپہ -->
<!-- وپ:پَرَگرَپہ -->
پہ بَداں کُچَّل ءُ تَہلێں
زَنڈێں بیہارے بْیارتێں
<!-- /وپ:پَرَگرَپہ -->
<!-- وپ:پَرَگرَپہ -->
پہ سُبَکّێں کاسَگچَٹّاں
گَجّ ءُ لێتارے بْیارتێں
<!-- /وپ:پَرَگرَپہ -->
<!-- وپ:پَرَگرَپہ -->
دُدێمی آدێنکاں راج ءِ
دُسَری مارے بْیارتێں
<!-- /وپ:پَرَگرَپہ -->
<!-- وپ:پَرَگرَپہ -->
<!-- /وپ:پَرَگرَپہ -->
<!-- وپ:پَرَگرَپہ -->
<!-- /وپ:پَرَگرَپہ -->
Dád Shásháni