<!-- وپ:پَرَگرَپہ -->
دَست بِرَسیت دِگِہ دُنیایے پہ تَو اَڈّ کَناں
کۆہاں سْریمَّگ کَناں نیلبۆمێں زِراں وَڈّ کَناں
<!-- /وپ:پَرَگرَپہ -->
<!-- وپ:پَرَگرَپہ -->
یا کہ گۆں وَژدِلیا تئیگ ءَ شَریدار باں، یا
اَنچۆش وَت بار آں تَرا ھَم چَہ گَماں بَڈّ کَناں
<!-- /وپ:پَرَگرَپہ -->
<!-- وپ:پَرَگرَپہ -->
وَشنَیَتکانی شِگاں تْرُند اَنت بلے پہ تَیگی
اێر بَراں کُچَّل ءُ ماجیناں دِل ءَ ڈَڈّ کَناں
<!-- /وپ:پَرَگرَپہ -->
<!-- وپ:پَرَگرَپہ -->
نہ مَن ءَ دِلجَمێں اولاک ءُ نہ آپ ءُ تۆشَگ
مِنزِلُن دُور اِنت مَہلئیگ ءَ چِن ءُ لَڈّ کَناں
<!-- /وپ:پَرَگرَپہ -->
<!-- وپ:پَرَگرَپہ -->
ھَنُل ئے ھاتِر ءَ چار گال پَدا پِر بَستَگ
گال ءُ گُپتار کُج ءَ اَنچۆش گَڈّ ءُ وَڈّ کَناں
<!-- /وپ:پَرَگرَپہ -->
<!-- وپ:پَرَگرَپہ -->
28 اَکتۆبَر 1951- کَراچی
<!-- /وپ:پَرَگرَپہ -->
Sayad Háshomi