<!-- وپ:پَرَگرَپہ -->
<!-- /وپ:پَرَگرَپہ -->
<!-- وپ:پَرَگرَپہ -->
دَر بِگیشّاں واہَگ ءِ تْرُندێں گِر ءُ بَنداں چِتَور
اَہد ءُ اِکرار ءُ ھَزاری کَول ءُ سَوگِنداں چِتَور
<!-- /وپ:پَرَگرَپہ -->
<!-- وپ:پَرَگرَپہ -->
بے وَسێں زِند ءَ اَگاں گَہ کُت مَن ءَ دَرگوَز بِکَن
رۆچے سَد بَر پْرُشتَگێں اَہداں تَئی، نِداں چِتَور
<!-- /وپ:پَرَگرَپہ -->
<!-- وپ:پَرَگرَپہ -->
چَمّ مَنی بے رۆک بُوت اَنت راہ ءِ بازێں چارَگ ءَ
نی اَگاں کا ئے مَنی دیدَگ تَرا گِنداں چِتَور
<!-- /وپ:پَرَگرَپہ -->
<!-- وپ:پَرَگرَپہ -->
تْرانَگِت اِے سِستَگێں دِلبَند ءِ بَندۆکُن کُتَگ
تَئی زَہیراں چَہ وَتی شُومّێں دِل ءَ سِنداں چِتَور
<!-- /وپ:پَرَگرَپہ -->
<!-- وپ:پَرَگرَپہ -->
ھیر دَنت اِنت شَپ جِتائی ءِ چۆ مَرگ ءِ پْرێشتَگ ءَ
بے تَئی اوست ءَ مَن سَگّاں زِند ءِ گَورگِنداں چِتَور
<!-- /وپ:پَرَگرَپہ -->
<!-- وپ:پَرَگرَپہ -->
مۆہ نَدَنت تْرانَگ جَگَرسِندێں کہ دِلگۆشے کَناں
شَہد ءُ شیرێں، جَور ءُ تَہلێں گال پِر بَنداں چِتَور
<!-- /وپ:پَرَگرَپہ -->
<!-- وپ:پَرَگرَپہ -->
وَشنَیَتکانی رَدێں کار اَنت سَرُن رَہن اِنت اَنگَت
تاں نَمۆکان ئِے مَیاری چۆٹَواں رَنداں چِتَور
<!-- /وپ:پَرَگرَپہ -->
<!-- وپ:پَرَگرَپہ -->
وَژدِلێں باریگ بُرت اَنت ھانُل ءَ گۆں وَت سَیَد
گْرێتَگێں چَمّ ءُ لَگَتمالێں دِلے کَنداں چِتَور
<!-- /وپ:پَرَگرَپہ -->
<!-- وپ:پَرَگرَپہ -->
<!-- /وپ:پَرَگرَپہ -->
<!-- وپ:پَرَگرَپہ -->
<!-- /وپ:پَرَگرَپہ -->
<!-- وپ:پَرَگرَپہ -->
بَہرِن ءِ تْرَہجاہ
سَیشَمبِہ 5 اَگَست 1957
<!-- /وپ:پَرَگرَپہ -->
Sayad Háshomi