<!-- وپ:پَرَگرَپہ -->
تَو دَرامَد
مَن دَرامَد
چاکَر ءِ ماڈی دَرامَد
مِہر دَرامَد
اِشک دَرامَد
شَئے مُرید، ھانی دَرامَد
<!-- /وپ:پَرَگرَپہ -->
<!-- وپ:پَرَگرَپہ -->
مَن کُج ءَ دَر بُرت کَناں
دَرزُبانێں تَئی کِتاب ءَ
لَبز دَرامَد گال دَرامَد
پِگر ءُ سَسّا دَرامَد
<!-- /وپ:پَرَگرَپہ -->
<!-- وپ:پَرَگرَپہ -->
زِند نوں ھَر رَنگ ءَ مَن ءَ
دَنت شُبێنَگ دۆست تَئی
دَرد دَرامَد اَرس دَرامَد
کَندَگ ءُ بِچکَند دَرامَد
<!-- /وپ:پَرَگرَپہ -->
<!-- وپ:پَرَگرَپہ -->
بَہر ءُ بانگ ایں ما بَلۆچ
چۆ چی ءَ ھَر نێمَگ ءَ
ٹَکّ دَرامَد راج دَرامَد
زات ءُ زُریات دَرامَد
<!-- /وپ:پَرَگرَپہ -->
<!-- وپ:پَرَگرَپہ -->
ڈیوایے بَڈّ ءَ کُتَگ
پہ چِراگانی گَماں
رۆچ دَرامَد شَپ دَرامَد
ماہ ءُ اِستار دَرامَد
<!-- /وپ:پَرَگرَپہ -->
<!-- وپ:پَرَگرَپہ -->
ھَو مَن ءَ رَبّ ءَ جَتَگ
پَہر بَستَگ تَئی سَر ءَ مَن
دْرۆگ دَرامَد راست دَرامَد
وادَہ ءُ سَوگِند دَرامَد
<!-- /وپ:پَرَگرَپہ -->
<!-- وپ:پَرَگرَپہ -->
لالا دۆشی باز گْرێتَگ
سَرگوَپ ءَ سینگار نَکُت
مِسک دَرامَد مِہلَب دَرامَد
مَہپَر ءُ مَلگۆر دَرامَد
<!-- /وپ:پَرَگرَپہ -->
<!-- وپ:پَرَگرَپہ -->
مادَنێں راہ ءَ نَبَنت گار
مِنزِل ءَ رَہگوَز شُت اَنت
جُہد دَرامَد راہ دَرامَد
گُلزِمین ءِ ھاک دَرامَد
<!-- /وپ:پَرَگرَپہ -->
<!-- وپ:پَرَگرَپہ -->
شَکَّلێں شَہجُو تَچ اَنت
شێپ دِل ءَ تْراوَل کَنت
کۆہ دَرامَد لۆگ دَرامَد
دَشت ءُ کُوچَگ دَرامَد
<!-- /وپ:پَرَگرَپہ -->
<!-- وپ:پَرَگرَپہ -->
مَرچاں کارِستاں کُتَگ ھَڈ
اَنگَرے پاد ءَ تَچ اَنت
دُزّ دَرامَد پاسپاں دَرامَد
مالِک ءُ کاردار دَرامَد
<!-- /وپ:پَرَگرَپہ -->
<!-- وپ:پَرَگرَپہ -->
یَبَّرے اِشک ءَ پَدا داد
زَہر وارێنتَگ مَن ءَ
شَہد دَرامَد شیر دَرامَد
شیر ءُ شیلّانچ دَرامَد
<!-- /وپ:پَرَگرَپہ -->
<!-- وپ:پَرَگرَپہ -->
<!-- /وپ:پَرَگرَپہ -->
Dád Shásháni