شَہر ءِ چَمّ ءِ تَہا گَنۆک کُتَگ
تَو اوں مارا کُج ءَ گَنۆک کُتَگ
اِشک ءِ وَیل ءَ وَت ءَ را رَکّێنتَگ
مارا دانائی ءَ گَنۆک کُتَگ
رۆچے چیزے پُلیت ءُ بارت چِدا
زِندَگی ءَ وَت ءَ گَنۆک کُتَگ
زاہِر ءَ مَردُم ءِ وَڈ ءَ ایں، تَو
مارا مئے اَندَر ءَ گَنۆک کُتَگ
بْیا بِچار، ھۆش ءُ سَرپَدێں دُنیا
تَئی اِے دێوانَگ ءَ گَنۆک کُتَگ
تَو وَ نَیل ئے کَسے گَنۆک بِبیت
تَو وَت ءَ مئے وَڈ ءَ گَنۆک کُتَگ
ما دێوانَگ، مُنیر، تَئی دَرد ءِ
دَرد ءَ تَئی ھَر دَوا گَنۆک کُتَگ
مُنیر مۆمِن
Monir Mómen