Ás Day Tupaká

<!-- وپ:پَرَگرَپہ -->
ھَمسَپَر ماہ ءُ مۆسُم بَدَل بیتَگ اَنت
دید بَرگَشتَگ اَنت، چَمّ بَدَل بیتَگ اَنت
تَو اُں تیر ءُ تُپَنگ ءِ تَوار ءَ شَمۆش
مَئێگ ءُ تَئی وَشّی ءُ گَم بَدَل بیتَگ اَنت
<!-- /وپ:پَرَگرَپہ -->

<!-- وپ:پَرَگرَپہ -->
رۆچ ءِ گَپّ ءَ بِکَن
ماہ ءِ گَپّ ءَ بِکَن
رُژن ءِ گَپّ ءَ بِکَن
زِند ءِ گَپّ ءَ بِکَن
آس دَئے تُوپَک ءَ
<!-- /وپ:پَرَگرَپہ -->

<!-- وپ:پَرَگرَپہ -->
ساز کَن دَرد ءِ سُرۆز ءَ گۆں وَشّێں دُناں
یَل کَن جَنگانی نازێنک ءُ کَہرێں کُناں
تَو مَکَن کێنَگ ءِ آس ءَ رۆک ءُ مَزَن
مَن پہ مِہر ءَ زَہیر آں، پہ مِہر ءَ بُن آں
<!-- /وپ:پَرَگرَپہ -->

<!-- وپ:پَرَگرَپہ -->
کَیپ ءِ گَپّ ءَ بِکَن
تاس ءِ گَپّ ءَ بِکَن
دَرد ءِ گَپّ ءَ بِکَن
رَنگ ءِ گَپّ ءَ بِکَن
آس دَئے تُوپَک ءَ
<!-- /وپ:پَرَگرَپہ -->

<!-- وپ:پَرَگرَپہ -->
وَشرَواجێں گُلانی بِدئے تْرانَگ ءَ
شیرکِنێں پۆپَلانی بِدئے تْرانَگ ءَ
آس ءُ آسِن نَبَنت کَسّی دَرد ءِ دَوا
مارا گَرکی تَلانی بِدئے تْرانَگ ءَ
<!-- /وپ:پَرَگرَپہ -->

<!-- وپ:پَرَگرَپہ -->
پُلّ ءِ گَپّ ءَ بِکَن
لُنٹ ءِ گَپّ ءَ بِکَن
مِہر ءِ گَپّ ءَ بِکَن
راز ءِ گَپّ ءَ بِکَن
آس دَئے تُوپَک ءَ
آس دَئے تُوپَک ءَ
<!-- /وپ:پَرَگرَپہ -->

<!-- وپ:پَرَگرَپہ -->
<!-- /وپ:پَرَگرَپہ -->