<!-- وپ:پَرَگرَپہ -->
مَنی، تَئی سَلاہ چِہ پَیم بیت
تَو شَہر ءِ ٹیٹَلێں جِنِکّ
مَن کۆہسار ئے شْوانَگ آں
<!-- /وپ:پَرَگرَپہ -->
<!-- وپ:پَرَگرَپہ -->
مَنی ھَیال ءِ بُنزِہ ءَ
چِراگ رۆژنا بَنت
<!-- /وپ:پَرَگرَپہ -->
<!-- وپ:پَرَگرَپہ -->
مَنی تَہاریاں شَپ ءِ
ھَزار ماہِکاں تْرِپ اَنت
<!-- /وپ:پَرَگرَپہ -->
<!-- وپ:پَرَگرَپہ -->
مَن زِندَگ آں پہ واہَگے
بَہار ءِ سَنج ءِ نَوبَتاں
<!-- /وپ:پَرَگرَپہ -->
<!-- وپ:پَرَگرَپہ -->
بلے تَچیت ھِرس تَئی
پہ رَنگ رَنگێں ماڈیاں
<!-- /وپ:پَرَگرَپہ -->
<!-- وپ:پَرَگرَپہ -->
تَئی دِل ءِ مُراد بَسّ
ماں سُہر ءُ سَبزێں گاڈیاں
<!-- /وپ:پَرَگرَپہ -->
<!-- وپ:پَرَگرَپہ -->
مَن ءَ را دۆچ دۆست بیت
تَو لۆٹ ئے شَہر ءِ ساڈیاں
<!-- /وپ:پَرَگرَپہ -->
<!-- وپ:پَرَگرَپہ -->
بَہار ءِ سُہرێں دۆچ مَن
ھَتَم مَنی دِل ءِ پَہار
<!-- /وپ:پَرَگرَپہ -->
<!-- وپ:پَرَگرَپہ -->
بلے چَہ زِرد ءِ واہَگاں
تَو بے سَما ءُ بے مَیار
<!-- /وپ:پَرَگرَپہ -->
<!-- وپ:پَرَگرَپہ -->
مَن تَلوَساں تَو بے گَم ئے
مَن رۆچ ءِ شَہم آں تَو شَپ ئے
<!-- /وپ:پَرَگرَپہ -->
<!-- وپ:پَرَگرَپہ -->
مَنی، تَئی سَلاہ چِہ پَیم بیت
تَو شَہر ءِ ٹیٹَلێں جِنِکّ
مَن کۆہسار ئے شْوانَگ آں
<!-- /وپ:پَرَگرَپہ -->
<!-- وپ:پَرَگرَپہ -->
<!-- /وپ:پَرَگرَپہ -->
Mobárek Kázi