بَرے وَشّێں بے گاہ، بَرے آ سَباہ اِنت
مَنی دیدَگاں بَسّ ھما ءُ ھما اِنت
مَن ءَ ھَلک ءِ مُلا بِلێک کاپِرے تَو
ھُداوَند جِند اِنت اگں آ دِل ءَ اِنت
سَر ءَ بِلّ ئِے گُڈّیت بِدَنت آس ڈیلّ ءَ
گُش اَنت مِہر ءُ جَنگ ءَ کہ ھَرچی رَوا اِنت
اِد ءَ لۆٹ ءُ اُمّێت، رَبێدَگ نِکان اَنت
بَہا بَنت دِلی دۆست، دِل ئِے بے بَہا اِنت
گۆیاک بَند اِنت، زُباں ماں گیشّیت
زۆراک مُلک ءِ گُش ئے مئے ھُدا اِنت
شۆہاز اِے زِگر ءُ نُماز ءُ اِبادَت
کَبُول چۆن بَنت اِنت اگں دِل دَگ ءَ اِنت
گُلامُسێں شۆہاز
Golámosén Shóház