<!-- وپ:پَرَگرَپہ -->
بام ءِ نِشتَگێں مُرگ ءَ
جَنگَلے سَر ءَ زُرتَگ
نالَگ ءَ اِنت زَیپ زَیپا
ھُشکێں سۆلے ءِ ٹُلّ ءَ
<!-- /وپ:پَرَگرَپہ -->
<!-- وپ:پَرَگرَپہ -->
بانزُلاں پْرُشَگ لۆٹیت
دَرداں اێر بَرَگ لۆٹیت
بێدِ تَو گَمیگ آں مَن
کَئی دَپ ءَ گُشَگ لۆٹیت
بام ءِ نِشتَگێں مُرگ ءَ
جَنگَلے سَر ءَ زُرتَگ
<!-- /وپ:پَرَگرَپہ -->
<!-- وپ:پَرَگرَپہ -->
سَبزِکانی جۆپاگ ءَ
گانٹیانی ھامێن ءَ
دِل نَلۆٹیت ھِچّ پَیم ءَ
تْرانَگانی مَنگیر ءَ
بام ءِ نِشتَگێں مُرگ ءَ
جَنگَلے سَر ءَ زُرتَگ
<!-- /وپ:پَرَگرَپہ -->
<!-- وپ:پَرَگرَپہ -->
وَشّیاں کُشَگ لۆٹیت
چَمّاں تَرّ کَنَگ لۆٹیت
سَرشَپا تاں گْوَربام ءَ
ماہ ءَ گۆں رَوَگ لۆٹیت
بام ءِ نِشتَگێں مُرگ ءَ
جَنگَلے سَر ءَ زُرتَگ
<!-- /وپ:پَرَگرَپہ -->
<!-- وپ:پَرَگرَپہ -->
بے گَم ءَ گَمے داتَگ
چۆ زِر ءَ کہ دَر شانتَگ
کِسَّہانی بَنیادَم
بے وَسیا دِل مُشتَگ
بام ءِ نِشتَگێں مُرگ ءَ
جَنگَلے سَر ءَ زُرتَگ
<!-- /وپ:پَرَگرَپہ -->
<!-- وپ:پَرَگرَپہ -->
اَتکَگاں مَن گْیابان ءَ
نِشتَگاں داں گْوَربام ءَ
ساہ نَہ اِنت مَنی بَدَن ءَ
چارَگ ءَ آں سَکّ دُورا
<!-- /وپ:پَرَگرَپہ -->
<!-- وپ:پَرَگرَپہ -->
بام ءِ نِشتَگێں مُرگ ءَ
جَنگَلے سَر ءَ زُرتَگ
نالَگ ءَ اِنت زَیپ زَیپا
ھُشکێں سۆلے ءِ ٹُلّ ءَ
<!-- /وپ:پَرَگرَپہ -->
<!-- وپ:پَرَگرَپہ -->
<!-- /وپ:پَرَگرَپہ -->
Dád Balóch