<!-- وپ:پَرَگرَپہ -->
گْواڈَگ ءُ پُلّاں مَنی گۆں سَنگَت ءُ یاری نَبیت
داں گِسَر کُنٹَگ نَبَنت اِنت بِہ چَکَنکاری نَبیت
<!-- /وپ:پَرَگرَپہ -->
<!-- وپ:پَرَگرَپہ -->
دێر اِنت دِل تَئی تْرانَگانی تاس ءِ آپ ءَ بُڈِّتَگ
جُلگَہێں اِے گێدی ءَ مئے زِرد ءِ آشکاری نَبیت
<!-- /وپ:پَرَگرَپہ -->
<!-- وپ:پَرَگرَپہ -->
زَرّ ءِ لَبّ ءُ لالِچ ءَ تَئی سَرجَمێں دَر بَند کُت اَنت
گۆں مَن ءَ مِہر ءِ سَپَر پہ نۆٹ ءُ کَلداری نَبیت
<!-- /وپ:پَرَگرَپہ -->
<!-- وپ:پَرَگرَپہ -->
رۆلَہێں بے گاہ مَن ءَ را بام ءِ سَوگِند ءَ نَگُش ئے
رۆچ بُرز اِنت، شَپ تَہارماہ، گۆں مَن چَمداری نَبیت
<!-- /وپ:پَرَگرَپہ -->
<!-- وپ:پَرَگرَپہ -->
چینچو ناسِر اُزر داراں سَہتُکے ءِ گِندَگ ءَ
داں نَگِنداں مَن تَر ءَ را گۆں مَن گُلکاری نَبیت
<!-- /وپ:پَرَگرَپہ -->
<!-- وپ:پَرَگرَپہ -->
2 اَکتۆبَر، 2025
<!-- /وپ:پَرَگرَپہ -->
Náser Naim