<!-- وپ:پَرَگرَپہ -->
دْراہێں دُنیا زِرے ءِ لاپ ءَ اِنت
زِندَگی گران اِنت بۆجیگانی تَہا
<!-- /وپ:پَرَگرَپہ -->
<!-- وپ:پَرَگرَپہ -->
رۆچ نامَہرَمانی سِتر ءَ کَنت
ساہِگاں وَشّ وَشّا کِنزێنیت
<!-- /وپ:پَرَگرَپہ -->
<!-- وپ:پَرَگرَپہ -->
کاینت کَبر ءِ سَر ءَ مَنی بالۆ
سُتکَگێں بانزُلاں وَتی چار اَنت
<!-- /وپ:پَرَگرَپہ -->
<!-- وپ:پَرَگرَپہ -->
زامُران ءَ اگں بُگواریت ھَور
دَنت زاہے نِہِنگ دَریا ءَ
<!-- /وپ:پَرَگرَپہ -->
<!-- وپ:پَرَگرَپہ -->
شیر شَنزیت گُلزِمین ءِ سَر ءَ
ماہ ءِ دێم ءَ نَزاناں کئے چُکّیت
<!-- /وپ:پَرَگرَپہ -->
<!-- وپ:پَرَگرَپہ -->
چاریت رۆچ ءَ وَتی دِل ءَ چاریت
رۆچگوارچُک نَزاناں چے جێڈیت
<!-- /وپ:پَرَگرَپہ -->
<!-- وپ:پَرَگرَپہ -->
اێشی ئے واجَہ چۆن بَہِشت ءَ رَوت
اِے کَبا داگ داگ ءُ پۆلِنگ اِنت
<!-- /وپ:پَرَگرَپہ -->
<!-- وپ:پَرَگرَپہ -->
مارا ھامێن ءَ یات کا ئے تَو
پِر کَن اَنت مَچّ زێوَر ءُ سَہتاں
<!-- /وپ:پَرَگرَپہ -->
<!-- وپ:پَرَگرَپہ -->
بْرَہنَگیا اوں مۆسُمے ھَست اِنت
تاکرێچ ءَ بِچار گۆں دْرَچکاں
<!-- /وپ:پَرَگرَپہ -->
<!-- وپ:پَرَگرَپہ -->
وابجاہ اِنت بالی مُرگانی
مئے چِش ءِ جاں کُنٹَگ ءَ پُرّ اِنت
<!-- /وپ:پَرَگرَپہ -->
<!-- وپ:پَرَگرَپہ -->
<!-- /وپ:پَرَگرَپہ -->
Manzur Besmel