<!-- وپ:پَرَگرَپہ -->
وَشّێں ھالے داں نَیَیت شَرَّنگێں یار ءِ نێمَگ ءَ
دِل چِتَور واتَرّ بِکَنت سَبر ءُ کَرار ءِ نێمَگ ءَ
<!-- /وپ:پَرَگرَپہ -->
<!-- وپ:پَرَگرَپہ -->
جَمبَری بَند وارت دَرداں، زُرت شَنزَگ دیدَگاں
اَرس ءِ جُو ءَ ھار کُت ھُشکێں ڈَگار ءِ نێمَگ ءَ
<!-- /وپ:پَرَگرَپہ -->
<!-- وپ:پَرَگرَپہ -->
گُڈّی رۆچ اَنت اَلَّما مۆچکێن ءِ مُرگ ءِ رامَگێں
دَپ پَچ اَنت مَرچی کہ دام ءِ مُژدَوار ئے نێمَگ ءَ
<!-- /وپ:پَرَگرَپہ -->
<!-- وپ:پَرَگرَپہ -->
رۆچے سَد بَر مَن گِراں “پیرانسَری” تَئی مِنَّت ءَ
تَو مَن ءَ وَشّ وَشّا آُرت ھۆش ءُ سار ءِ نێمَگ ءَ
<!-- /وپ:پَرَگرَپہ -->
<!-- وپ:پَرَگرَپہ -->
گِپت زِمینجُمب ءَ تَمَردانی کَلات ءُ ماڈیاں
دێم کہ کُت “آہاں”* نِزۆرانی کَہار ءِ نێمَگ ءَ
<!-- /وپ:پَرَگرَپہ -->
<!-- وپ:پَرَگرَپہ -->
چۆن بِزاناں تَو نا ئِے، تَئی گَم نَہ اَنت گْرانێں گُڈا!
کئے مَن ءَ تێلانک دَیان اِنت مَرگ ءِ گار ءِ نێمَگ ءَ
<!-- /وپ:پَرَگرَپہ -->
<!-- وپ:پَرَگرَپہ -->
بێدِ سِہرا ھۆشبَرێں چَمّانی، ئے ساہِر یَلێں!
کئے پہ وَشّی کئێت رَنجانی دَوار ءِ نێمَگ ءَ
<!-- /وپ:پَرَگرَپہ -->
<!-- وپ:پَرَگرَپہ -->
……………………
<!-- /وپ:پَرَگرَپہ -->
<!-- وپ:پَرَگرَپہ -->
*آہ ءُ پِریاتاں
<!-- /وپ:پَرَگرَپہ -->
<!-- وپ:پَرَگرَپہ -->
<!-- /وپ:پَرَگرَپہ -->
Morád Sáher