<!-- وپ:پَرَگرَپہ -->
دَر کَپتَگ شۆہاز، شۆہاز ءَ وَتی
سَرچادِر ءَ !
ھَم چۆ گَنۆک ءَ بْرَہنَگێں
وَت گۆں وَتی بے ساری ءَ
گْوازی کَناں!
ھَر سِنگ ءُ دْرَچک ءُ دار ءُ کْوَہنێں تْرانَگ ءَ
رازی کَناں!
یاتاں گۆں دَزبازی کَناں!
تَرّان ءُ گَرداں، سَر جَناں
شۆہاز، شۆہاز ءَ وَتی
سَر بُوت رۆچے پہ مَن ءَ
مَن کَترَہے، بِچکَندِت ءُ چارِت شۆہاز ءِ نێمَگ ءَ
مَن اَنچۆ مارِت کہ شۆہاز ءِ جِند بے گْواہ اِنت
<!-- /وپ:پَرَگرَپہ -->
<!-- وپ:پَرَگرَپہ -->
مارچ-1986، شال
<!-- /وپ:پَرَگرَپہ -->
Mobárek Kázi