<!-- وپ:پَرَگرَپہ -->
دُور چَہ بَہار ءِ نَوبَتاں
نِشتَگ مُلُورێں شانتُلے
چَہ سال ءُ دْراجێں مُدَّتاں
بَرّ ءِ کَہیر ءِ ساہِگ ءَ
اَہدانی دَوراں یات کَنت
نالیت ھَزارگَنجێں شَپاں
گَزّان ءُ کَوراں یات کَنت
چۆ کہ بَہار ءِ مۆسُم ءَ
گُرّانی ئے سَبزێں کَہیر
نۆدانی نَرمێں شَنزَگاں
بَشّامی ھَوراں یات کَنت
اِے دَور ءُ باری، رۆچ ءُ شَپ
اِے تْرانَگانی وَہد ءُ پاس
کاینت ءُ جُنز اَنت ءُ گْوَز اَنت
اَنگَت بلے بے چارَگێں
بے تاگَت ءُ دِلوارَگێں
زِند ءِ اَبێتکێں ساہَتاں
دُور چَہ بَہار ءِ نَوبَتاں
نِشتَگ مُلُورێں شانتُلے
چَہ سال ءُ دْراجێں مُدَّتاں
بَرّ ءِ کَہیر ءِ ساہِگ ءَ
اَہدانی دَوراں یات کَنت
<!-- /وپ:پَرَگرَپہ -->
<!-- وپ:پَرَگرَپہ -->
1986-مارچ، شال
<!-- /وپ:پَرَگرَپہ -->
Mobárek Kázi