<!-- وپ:پَرَگرَپہ -->
بَرے نَبُوتَگێں کاراں پہ مَن رَوا تَو کن ئے
بَرے اِے آزَگێں ٹَپّاں دِل ءِ دَوا تَو کن ئے
<!-- /وپ:پَرَگرَپہ -->
<!-- وپ:پَرَگرَپہ -->
بُرَو کہ شاہ ءِ مَیَر ئے تَو، ئے دِل ءِ کاسِد
نَزاناں کُچَّل ءُ ماجین ءَ چۆن رَزا تَو کن ئے
<!-- /وپ:پَرَگرَپہ -->
<!-- وپ:پَرَگرَپہ -->
پہ دَست ءُ دْرۆہی ءَ پێداک ئے وَشَّتک ئے بلے
مَن زاناں بے سَرێں کاراں وَتی پَدا تَو کن ئے
<!-- /وپ:پَرَگرَپہ -->
<!-- وپ:پَرَگرَپہ -->
پہ ھَیر مَرچی چۆ بانۆر ءَ سَمبَہێنتَگ وَت ءَ
چی ءَ گَریبے ءِ ھۆن ءَ وَتی سَر ءَ تَو کن ئے
<!-- /وپ:پَرَگرَپہ -->
<!-- وپ:پَرَگرَپہ -->
نَچِنت گُل، مَنی اُپَّراگاں چَہ پۆلِنگے
دَمانے پہ مَن ءَ دێم ءَ اَگاں دَر ءَ تَو کن ئے
<!-- /وپ:پَرَگرَپہ -->
<!-- وپ:پَرَگرَپہ -->
مَنی نَپَس! مَنی اَرواہ! ساہ مَنی یَکّے
بُگُش کہ پہ وَت ءَ کَولیگ ئِے چُنت بَر ءَ تَو کن ئے
<!-- /وپ:پَرَگرَپہ -->
<!-- وپ:پَرَگرَپہ -->
نَزان ئے کہ مَنی بَنّامی پہ تَئی نَم ءَ اِنت
کہ بے وَسی ئے مَنی گَپّ ءَ ھَرکَس ءَ تَو کن ئے
<!-- /وپ:پَرَگرَپہ -->
<!-- وپ:پَرَگرَپہ -->
اِے دَستبَندی ءُ پِریات دْرُست بے کار اَنت
کہ ھَرچے پَنت بِدَنت دِل تَرا ھما تَو کن ئے
<!-- /وپ:پَرَگرَپہ -->
<!-- وپ:پَرَگرَپہ -->
مَبَستێں دْرێگَتێں مَن پَہر پہ تَئی کَولاں
"نَزانتَگ مَن کہ گۆں مَن چُشێں دَگ ءَ تَو کن ئے"
<!-- /وپ:پَرَگرَپہ -->
<!-- وپ:پَرَگرَپہ -->
اِد ءَ وَ دْرُست تَئی گُنَہکار ایں ما، بَلے اِے بُگُش
کہ جُست ءِ رۆچ ءَ مَیاریگ کئے کئے ءَ تَو کن ئے
<!-- /وپ:پَرَگرَپہ -->
<!-- وپ:پَرَگرَپہ -->
پہ گُلپَری ءَ مَنی گْوَنڈێں دَسترَس ھَمێش اِنت
نی دێمتِر پہ مَن ھَرچے کن ئے ھُدا تَو کن ئے
<!-- /وپ:پَرَگرَپہ -->
<!-- وپ:پَرَگرَپہ -->
مُریدی گالاں بِدار دُربَیاں بَہ مَنت اَنت
سَیَد وَسے وَتی ھانی ءِ ھاتِر ءَ تَو کن ئے
<!-- /وپ:پَرَگرَپہ -->
<!-- وپ:پَرَگرَپہ -->
12 اَکتۆبَر 1952، کَراچی
<!-- /وپ:پَرَگرَپہ -->
Sayad Háshomi