<!-- وپ:پَرَگرَپہ -->
دِل ءَ چَہ چِست بَنت پاہار آس بَنت
تَ دیدَگانی اَرس دُرس لاس بَنت
<!-- /وپ:پَرَگرَپہ -->
<!-- وپ:پَرَگرَپہ -->
گۆں ھۆن سَمبَہێناں زِند ءِ رَہسَراں
اَگاں گُلاب ءِ پُلّ ءُ گُل ھَلاس بَنت
<!-- /وپ:پَرَگرَپہ -->
<!-- وپ:پَرَگرَپہ -->
مَشِنگ وَتی زَبادبُوێں مَہپَراں
کہ بے اَسَر سَمین ءِ سَردێں واس بَنت
<!-- /وپ:پَرَگرَپہ -->
<!-- وپ:پَرَگرَپہ -->
اگں تَئی مِہر ءِ کَدَّہاں وَپا نَبیت
تَ مۆنِسے پہ مَن شَراب ءِ تاس بَنت
<!-- /وپ:پَرَگرَپہ -->
<!-- وپ:پَرَگرَپہ -->
مَنی دِل ءَ چۆ واہَگ ءِ زَد ءَ مَکَن
کہ دیدَگانی زَنگ تَئی وَتاس بَنت
<!-- /وپ:پَرَگرَپہ -->
<!-- وپ:پَرَگرَپہ -->
اَپرێل-1985، شال
<!-- /وپ:پَرَگرَپہ -->
Mobárek Kázi