<!-- وپ:پَرَگرَپہ -->
دِل تَلوَسیت پہ چَندَنێں بے گاہے ءَ زَریت
اَنچۆ کہ کارَواں پہ گُلێں راہے ءَ زَریت
<!-- /وپ:پَرَگرَپہ -->
<!-- وپ:پَرَگرَپہ -->
اِمرۆز ءِ شادِہانی گِراں ساہ ءِ مِنَّت ءَ
کَبر ءِ تَہا کہ زِند پہ اَرواہے ءَ زَریت
<!-- /وپ:پَرَگرَپہ -->
<!-- وپ:پَرَگرَپہ -->
ماں شانتَگ چار نێمَگ ءَ دَرد ءِ تَہاری ءَ
مِہرانی آزماں پہ یَکّ ماہے ءَ زَریت
<!-- /وپ:پَرَگرَپہ -->
<!-- وپ:پَرَگرَپہ -->
چاگِرد ءَ پێرَزۆ اِنت ھَمے رَنگێں جاوَرے
اِے زِندماں چۆ کَینسَر ءِ نادراہے ءَ زَریت
<!-- /وپ:پَرَگرَپہ -->
<!-- وپ:پَرَگرَپہ -->
زۆراکیاں گُبار کُتَگ مِہر ءِ آزماں،
اُمّێت ءِ شَپ مُدام پہ بانگواہے ءَ زَریت
<!-- /وپ:پَرَگرَپہ -->
<!-- وپ:پَرَگرَپہ -->
اَپرێل-1985، شال
<!-- /وپ:پَرَگرَپہ -->
Mobárek Kázi