بْراہنَگێں اُپّارَگانی زَہیرنالێں تَوار گۆشاں کَپیت
بے بْرَمشی ئے دَنز ءُ مُجاں!
یَکّ نارَگے، یَکّ مارَگے
باہَند پَرما ایت
مَنی مِہر ءِ نَسَہڈۆکێں دِل ءَ
مَن تَلوَساں
چۆ زِندَگێں ماہیگ
کہ بے آپ ءَ زَریت ءُ پَلپَٹیت
ھُلّانی بانۆری
گُلاب ءِ سُہرچَکێں پُلّے سْرَپیت
زِند ءِ مَتاہ
لَہڈانی نیلبۆمێں زِر ءَ اوگار بیت
مَن بے سَما، بے جَہک، بے بْرَمش ءُ تَوار
چۆ چِلَّگ ءِ بے مِہرێں
مِہر ءِ مۆسُم ءَ
وَشّی کُج اِنت؟
تَئی اَمبَرێں بیکانی ساہێل ءَ
کہ تاکانی شَم ءَ
سۆج بِدئے
پہ ما نَزانتکاراں
تَوامێں زِندمان ئے
وَشّیانی زانَگ ءِ مِستاگ بیت
بے بْرَمشی ئے دَنز ءُ مُجاں!
یَکّ نارَگے، یَکّ مارَگے
باہَند پَرما ایت
مَنی مِہر ءِ نَسَہڈۆکێں دِل ءَ
مَن تَلوَساں
چۆ زِندَگێں ماہیگ
کہ بے آپ ءَ زَریت ءُ پَلپَٹیت
ھُلّانی بانۆری
گُلاب ءِ سُہرچَکێں پُلّے سْرَپیت
زِند ءِ مَتاہ
لَہڈانی نیلبۆمێں زِر ءَ اوگار بیت
مَن بے سَما، بے جَہک، بے بْرَمش ءُ تَوار
چۆ چِلَّگ ءِ بے مِہرێں
مِہر ءِ مۆسُم ءَ
وَشّی کُج اِنت؟
تَئی اَمبَرێں بیکانی ساہێل ءَ
کہ تاکانی شَم ءَ
سۆج بِدئے
پہ ما نَزانتکاراں
تَوامێں زِندمان ئے
وَشّیانی زانَگ ءِ مِستاگ بیت
مُبارِک کازی
دَسَمبَر-1984، شال