<!-- وپ:پَرَگرَپہ -->
مَن کَدی سَرداری ءُ میتاپ ءُ کیلَگ، بۆر ءُ لَشکَر لۆٹِتَگ
مَن کَدی مُروارِد ءُ تَنگَہ، ھَزینَہ، مال ءُ گَوہَر لۆٹِتَگ
<!-- /وپ:پَرَگرَپہ -->
<!-- وپ:پَرَگرَپہ -->
یَکّ نَپَسِّند ءُ دَیارسۆچێں لِوارے اَتک دْرَہبات ءَ مَنی
مَن وَتی جِند ءِ تَنَکساہێں تَگِردێں کُلّ ءُ کاپَر لۆٹِتَگ
<!-- /وپ:پَرَگرَپہ -->
<!-- وپ:پَرَگرَپہ -->
رُمبِتَگ پُرکێنَگ ءُ کَستێں پہ مَن یَکّ گُنگُدامێں لَشکَرے
مَن چَہ زۆراکاں اِے راج ءِ زِہتَگێں گالانی دَپتَر لۆٹِتَگ
<!-- /وپ:پَرَگرَپہ -->
<!-- وپ:پَرَگرَپہ -->
زِندَگێں تاواں بُلۆٹاں ھَم نَدَنت تُرسا کہ پہ مَن سُوت بَنت
پہ نَتَہیرێں دِل ءِ پِر دارَگ ءَ مَن آس ءُ اَنگَر لۆٹِتَگ
<!-- /وپ:پَرَگرَپہ -->
<!-- وپ:پَرَگرَپہ -->
وَژدِلیاں زِندمانی ئے مَن ءَ نێست اِنت گِلَگ دُوری کَنِت
مَرگ ھَم بَہت ءَ ھَزێنتَگ نَیَیت، مَن رۆچے دو سَد بَر لۆٹِتَگ
<!-- /وپ:پَرَگرَپہ -->
<!-- وپ:پَرَگرَپہ -->
مَن مَیاریگ آن ءُ رَدوار آں تَئی، پَہِلُن بِکَن بانُک کہ مَن
نابِزانتی واہَگ ءِ بے آسَرێں کارانی آسَر لۆٹِتَگ
<!-- /وپ:پَرَگرَپہ -->
<!-- وپ:پَرَگرَپہ -->
چۆ دۆشاہێں تیر ءَ مان اَتکَگ دِل ءَ تْرانَگ تَئی، ھانُل مَنی
بْیا سَیَد مَن رَنج ءُ اَندۆہانی اَنگَرگوارێں جَمبَر لۆٹِتَگ
<!-- /وپ:پَرَگرَپہ -->
<!-- وپ:پَرَگرَپہ -->
گر ئے مَکِنزی ئے کارجاہ، بَہرِن
12:30 اَدار نێمرۆچ، 18-اَکتۆبَر-1956
<!-- /وپ:پَرَگرَپہ -->
Sayad Háshomi