<!-- وپ:پَرَگرَپہ -->
<!-- /وپ:پَرَگرَپہ -->
<!-- وپ:پَرَگرَپہ -->
تُنّیگێں کِشکے ئے، نہ شِپادێں چِراگے ئے
گۆں دیدَگاں نَتران ئے، چِہ پَیمێں چِراگے ئے
<!-- /وپ:پَرَگرَپہ -->
<!-- وپ:پَرَگرَپہ -->
سۆہاں کَنت سِلاہاں پہ تَو گْوات ھَر شَپ ءَ
تَہنائیں مێتَگے ءِ گَنۆکێں چِراگے ئے
<!-- /وپ:پَرَگرَپہ -->
<!-- وپ:پَرَگرَپہ -->
چۆکہ گِرۆک شَہم ءِ ءُ چۆ زێمِر ءَ بُج ئے
بَندیگێں شانتُلے ئے کہ بالێں چِراگے ئے
<!-- /وپ:پَرَگرَپہ -->
<!-- وپ:پَرَگرَپہ -->
ھَر مَییَتێں دَریگ ءَ تَئی بْرَمش سْرَپتَگ اَنت
گْواتانی ھَمزُبان ئے، مَلَنگێں چِراگے ئے
<!-- /وپ:پَرَگرَپہ -->
<!-- وپ:پَرَگرَپہ -->
دیدَگزِبَہرێں مۆسُم ءَ سَنج بُوتَگ ءِ
اِنجیرێں شاہَڈانی شُدیکێں چِراگے ئے
<!-- /وپ:پَرَگرَپہ -->
<!-- وپ:پَرَگرَپہ -->
تَئی ساہِگ ءَ مَدرَپش اَنت مَنی دَرد چۆن کَن اَنت
پُرمِہرێں دیدَگے ئے، تَبیبێں چِراگے ئے
<!-- /وپ:پَرَگرَپہ -->
<!-- وپ:پَرَگرَپہ -->
نوں گِلَّہانی دَنز رُدان اَنت تَئی ساہِگ ءَ
دۆدانی کْوَہنێں ھَلک ءَ نَوائیں چِراگے ئے
<!-- /وپ:پَرَگرَپہ -->
<!-- وپ:پَرَگرَپہ -->
ھَر پاس بالاں مَن تَرا اَرواہ ءِ مانِش ءَ
مئے گْوَستَگێں شَپانی تَو وابێں چِراگے ئے
<!-- /وپ:پَرَگرَپہ -->
<!-- وپ:پَرَگرَپہ -->
ھۆشامے بَر کَنان اِنت مُنیر دیدَگاں مَنی
رُژنائیں نُور ئے تَو تَنَکّێں چِراگے ئے
<!-- /وپ:پَرَگرَپہ -->
<!-- وپ:پَرَگرَپہ -->
<!-- /وپ:پَرَگرَپہ -->
<!-- وپ:پَرَگرَپہ -->
(<اِم>یَکّ بِچیلے آزماں</اِم>)
<!-- /وپ:پَرَگرَپہ -->
<!-- وپ:پَرَگرَپہ -->
<!-- /وپ:پَرَگرَپہ -->
Monir Mómen