Rél o mani gomán hamgám ant. Rélay parrag tawárá ant o mani gomán krinzhagá ent.
Bass! Park hamésh ent ke rélá wati layn geptag o tachán ent, o man bárén chónén nááshnáén dyáréay dagg o damkan wayl án.
Yabbará rélá dásht. Man o mani gomán hardo mohr bitén, o hamá ent wadárig én ke bárén rél kadi jonzit o gomán wati thathuá betáchit. É bari bárén maná kojá bárt o sar kant. Genday rélay átrápay sabzagá syahdhanné bopóshit o drachkán syahdárén chegerd bekant o é chó shirá wasshén ápá Gorkáni Sichiay kallarén áp bekant, o é drost chó Gorkán cha béápiá beladdhant!
Rél óshtát.
