Tazhn o tihár mashahkár gehén mir mani
Sar madháyáni kotag wáhagá gahgir mani
Wazhdeli gón man nasélit, gamán dróhet nakanán
Shakkalén marg, syahmársarén sir mani
Béwasi jambari sáhél ent angat zenday sará
Shash bará sótkag béwákián mangir mani
Kocchalén gam pa man nók naant, báz bará
Jawr butant dapá shahd o shakar o shir mani
Mádhié bastagat was butén pa tangah pa taw,
Cha gel o heshtá geh ent káparén bádgir mani
Béke tai wáhagá pasht kaptagén gón man marchi
Tai wati dátagén sawgát ant, gamán zir mani
Wazhdeliáni bahárméchén sahátaw pa taw
Angar o ás mani, napt mani, bir mani,
Tai polláni shóházá mani sári bégwáh
Óst o ommétay anárpakkagén enjir mani,
Taw maná shát nabay, dard maná shát nabant
Taw mani sáh o napas, dard napasgir mani
Chón dastunk golén hir o kalampor gwárant
Gón maná wábéá diwán nakant hir mani
Tangahén lacchahé pá Hánolá per bastag Sayad
Dóchagá ant jagarbandá padá tir mani
Sayad Háshomi
Sayad Háshomi