Zanzarókén Del

Zanzarókén delay gwánká cha jetá
Dur sakk dur tai yáday nakotthén kapá
Shayhay rangá wati dágáná kanán gésh o rawán
Háni, Háni mani wábáni molukén Háni
Man é tahnáiá tai nám nadátag angat
Jáhé Kiyá watá jáhé tará Mahnáz kotag
Man Zolaykah tará goshtag watá Isop wantag
Chincho kárest kotag naksh cha tákán jost ger
Chincho bongapp tai gestáiay rázán bastag
Har hamá kár ke armán maná néstá delá
Pa tai háter man wati kópagay báhóth kotant
Harch ranjé ke rajénán delá hecch rang najant
Harch shayré ke goshán del goshit angat kamm ent
Gésh wahdá maná tai jédhagá láchár kotag
Gésh emrózá maná pa wati béháléá bigár kotag
Godhsará ján man lóthán tará gappé bogoshán
Gésh gósh dásht jaháná ach man
Bass hamé dard delá taw maná delgósh nakot

Áhug Gol