Drógén hálé bebát, nékén pálé bebát
Omr nókrostagén tai nehálé bebát
Bé tará yakk shapé ham sabáh del nakant
Bé tará sháeriay tamáh del nakant
Taw hamok sháeray wáhagáni napas
Bé tará mótki ant golzemin ázmán
Embróz ent goshay bé tará tahtarin
Taw nayáay padá pa mani gréwagá
Márá ádénké dát o shotay pa watá
Zendag én dán bechárén tai suratá
Yá Hodá taw dayay zendmán pach mager
É wadhén kimati gawharán pach mager
Washgoshén tutián komrián pach mager
Máhe Ramzán bit, márá armán bit
Harkasá gón gam o dardán diwán bit
Tambuay kessah o arsán chawgán bit
Sar bebant sojdagá chammán Nurkán bit
Kant satáyá watigá jahán gatth nabit
Saddek án man delá tai bale matth nabit
Drostán yaktá atay, sázay bádsháh atay
Bárén Shayhak tai jágahá kad begipt
Harkasi didagáni delay bahr atay
Taw hazár dróshom o taw hazár tahr atay
Omray drachké proshit tai, é del kapp bant
Kay jawániá tai kópagán zort kant
Mir o Moktár o Mómen warant bash bashi
Káziá shishagé gón tayábá tachit
Kass nagendant ke dardáni márók wati
Taw delay drikagáni tawár pahmetag
Anwar o Akram o Emám Baksh Bahár
Joddhiá neshtagant tai kanant entezár
Bé tará Shawkat o Aktar ant békarár
Byá ke Ájez wati Zébaloki naent
Sáz kortag Nasirá gamáni nalé
Shahr pa Nuralá sotkagén jangalé
Nán ke Momtázán lál o gol Ménoli
Byá ke Shóház Ománá páláit ars
Del Pariday naent chang o sázay sará
Chón ménit donán thahl o názay sará
Ás gwárit Mojibá pa gwátáni dar
Nálit Ershád gón Besmelá besmelén
Yakkén Yunos naent hósh o sárá shotag
Chincho bárén gón arsáni hárá shotag
Koll gamig ant edá á kay ent ke gal ent
Kass namantag kapót harkasi jig tal ent
................
Kwahnén Gólimár, Karáchi
8 Agast 2023
Yunos Odás
Yunos Odás