Lajjáni golzeminay sará gandakári ent
Má ché kanén nun yár hamésháni bári ent
Rásti hamá ke mára rasit kabray andará
Harchi bekant garib edá bass mayári ent
Mollái pant o wáz o hodásetkiá cha dar
Enshalláh jannatá ham padá may dochári ent
genday hamá hodi* pa radi taw zobán dát
Angat hamá ganók hamódá wadári ent
Donyáyá jang o chópay hazár rang matthetag
Bécháragén Balóchay hamá dastay Lári ent
Dán chont róch gréway mani porsay pattará
Harchi kanay tai ráh padá bétawári ent
Dhawli gón sáhegá ke sabáhá sapar kanay
Róbarkatá boraw cha tará kammé sári ent
.................
*wahdi
Dhawli Bég