Hecch dege darkár nést, géshén nalóthit ják bass
Márá mátén golzeminay mehrawánén hák bass
Shap janózámi godán póshit ke bánóri godán
May nasibá lekketag tahnáiay póshák bass
Ádamay óbádag ant, yakkén hamé wallay bar ant
Kass mamánit mir o mehter, kass mabit zórák bass
Man hamok labzá chó Koráná damáná dar barán
Béramén dazrand tai kammén bebant wánák bass
Shát bátay taw modám Kázi gón kayp o kaddahán
Má pakiráná do kaldáray dapé tambák bass
Mobárek Kázi
Mobárek Kázi